Nókis mámleketlik texnika universiteti "Injenerlik texnologiyaları" fakultetinde "Milliy qádiriyatlar hám zamanagóylik" atamasında ruwxıy-aǵartıwshılıq ilaj shólkemlestirildi.
Ilajda Respublikalıq Ruwxıylıq hám aǵartıwshılıq orayınıń "Ma'rifat" úgit-násiyatshıları aǵzası, yuridika ilimleri kandidatı, docent X.Kabulov, fakultet dekanı orınbasarı N.Qıdırniyazov, professor-oqıtıwshılar, tyutorlar hám student-jaslar qatnastı.
Ilaj dawamında X.Kabulov globallasıw sharayatında milliy qádiriyatlardıń búginǵi kúndegi áhmiyeti, olardıń jámiyet rawajlanıwındaǵı ornı, sonday-aq jaslardı watansúyiwshilik, milliy maqtanısh hám joqarı ruwxıy qádiriyatlar tiykarında tárbiyalaw máselelerine toqtalıp ótti. Ushırasıw sońında studentler ózlerin qızıqtırǵan sorawlarǵa qánigeden tolıq juwaplar aldı.