2026-jıl 2-iyul kúni Nókis mámleketlik texnika universiteti Ekonomika hám telekommunikaciya injiniringi fakultetinde Ózbekstan Respublikası Joqarı bilimlendiriw, ilim hám innovaciyalar ministrliginiń arnawlı tapsırması tiykarında "Kórkem óner hám mádeniyat – millet aynası" atamasındaǵı ushırasıw keshesi ótkerildi.
Qaraqalpaqstan Respublikasına xızmet kórsetken artist, Berdaq atındaǵı Qaraqalpaq mámleketlik akademiyalıq muzıkalı teatrı aktyorı, Ózbekstan mámleketlik kórkem óner hám mádeniyat institutı Nókis filialı "Rejissyorlıq kórkem óneri" kafedrası baslıǵı, docent B.Nazarımbetov student jaslar menen mazmunlı sáwbet alıp bardı. Sonday-aq, ushırasıwǵa fakultet dekani B.Fayzullaev, dekan orınbasarı U.Turımbetov, tyutorlar hám student jaslar qatnastı.
Ushrasıw dawamında qánigeler tárepinen kórkem ónerdiń jámiyet turmısındaǵı ornı, mádeniy miyrastı qádirlew hám jaslarda joqarı estetikalıq talǵamdı qáliplestiriw máseleleri boyınsha mazmunlı pikirler bildirildi.
Bunday mádeniy-aǵartıwshılıq ilajları jaslardıń ruwxıy dúnyasın bayıtıw, milliy qádiriyatlarǵa húrmet sezimin kúsheytiw hám olardıń dóretiwshilik qábiletlerin rawajlandırıwda áhmiyetli orın iyeleydi.