Prezident tárepinen Nókis mámleketlik texnika universiteti studenti Volkswagen elektromobili menen sıylıqlandı
Prezidentimiz Shavkat Mirziyoyev tárepinen Jaslar kúni múnásibeti menen ótkerilgen saltanatlı ilajda Nókis mámleketlik texnika universitetiniń "Ekonomika hám telekommunikaciya injiniringi" fakulteti 2-kurs studenti Asanova Ayzada "Jańa áwlad avtomobilleri" joybarı sheńberindegi innovaciyalıq islenbesi ushın Volkswagen elektromobili menen sıylıqlandı.
Bul sıylıq mámleketimizde ilim, innovaciyalar hám jaslardıń baslamaların qollap-quwatlawǵa qaratılǵan keń kólemli reformalardıń ámeliy kórinisi bolıp esaplanadı. Nókis mámleketlik texnika universiteti jámááti Asanova Ayzadanı usı joqarı jetiskenligi menen qızǵın qutlıqlaydı hám aldaǵı ilimiy hám innovaciyalıq jumıslarında tabıslar tileydi.