Ózbekstan Respublikası Ministrler Kabinetiniń 2022-jıl 11-yanvardaǵı 17-sanlı qararına muwapıq, texnikumdı tabıslı tamamlaǵan pitkeriwshiler óz qánigeligine sáykes bakalavriat tálim baǵdarlarınıń 2-basqıshına test sınaqlarısız, sáwbet tiykarında oqıwǵa kiriw imkaniyatına iye.
2026/2027-oqıw jılı ushın dizimnen ótiw 5-iyuldan 25-iyulǵa shekem my.uzbmb.uz platforması arqalı ámelge asırıladı.
Sáwbette:
- bahalarınıń keminde 50 procenti "ayrıqsha" bolgan texnikum pitkeriwshileri;
- Medicina baǵdarları boyınsha bolsa bahalarınıń keminde 85 procenti "ayrıqsha" bolǵan pitkeriwshiler qatnasıwı múmkin.
Sáwbet 4 soraw tiykarında ótkeriledi. Maksimal ball - 100, tabıslı ótiw ushın keminde 67 ball toplaw talap etiledi. Bul tártip texnikumdı tamamlaǵan kúnnen baslap 2 jıl dawamında ámel etedi hám qabıllaw tólemli-kontrakt tiykarında ámelge asırıladı.
Húrmetli texnikum pitkeriwshileri! Hújjet tapsırıw múddetin ótkerip jibermeń hám Nókis mámleketlik texnika universitetinde joqarı bilimlendiriwdi dawam ettiriw imkaniyatınan paydalanıń.
Texnikum pitkeriwshilerin sáwbet tiykarında oqıwǵa qabıllaw máseleleri boyınsha Agjanov Timur (+998 97 353 46 40) ǵa múrájat etiwińiz múmkin.