Joqarı bilimlendiriw, ilim hám innovaciyalar ministrligi tárepinen respublikadaǵı barlıq joqarı oqıw orınlarınıń qatnasıwında ZOOM platforması arqalı 2026/2027-oqıw jılı qabıllawın shólkemlestiriwge baǵıshlanǵan videoselektor májilisi ótkerildi.
Onda kásiplik (dóretiwshilik) imtixanlardı qalıs hám ashıq-aydın ótkeriw, korrupciyalıq jaǵdaylardıń aldın alıw, bakalavriat hám magistraturaǵa qabıllawdı belgilengen tártipte shólkemlestiriw, abiturientlerdiń huqıqları menen máplerin támiyinlew máseleleri dodalandı.
Májilis juwmaǵında joqarı oqıw orınlarına qabıllawdıń barlıq basqıshların nızamshılıq talaplarına muwapıq, ashıq-aydınlıq hám ádillik principleri tiykarında shólkemlestiriw, jámiyetlik qadaǵalawdı kúsheytiw hám korrupciyanıń hár qanday kórinisine jol qoymaw boyınsha tiyisli wazıypalar belgilendi.