2026/2027-oqıw jılınan baslap Nókis mámleketlik texnika universiteti hám Belarus mámleketlik informatika hám radioelektronika universiteti arasındaǵı qospa bilimlendiriw baǵdarlamasına qabıllaw eki basqıshta ámelge asırıladı.
⏺1-basqısh
Nókis mámleketlik texnika universiteti tárepinen shólkemlestiriletuǵın kiriw imtixanı. Talabanlar keyingi basqıshqa ótiw ushın maksimal balldıń keminde 30 procentin toplawı kerek.
⏺2-basqısh
Ózbekstan Respublikası Bilimdi bahalaw agentligi tárepinen rus tilinde ótkeriletuǵın test sınaǵı. Bul basqıshta da maksimal balldıń keminde 30 procentin toplaǵan abiturientler tańlawda qatnasıw huqıqına iye boladı.
Shet tili boyınsha keminde B1 dárejedegi milliy yamasa xalıqaralıq sertifikatqa iye abiturientler ekinshi basqıshtaǵı til sınaǵınan azat etiledi hám usı basqısh ushın maksimal ball beriledi.
Hújjetler Nókis mámleketlik texnika universitetiniń elektron qabıllaw sisteması arqalı qabıl etiledi.
❗️Esletpe: Qospa bilimlendiriw baǵdarlamasında qabıllaw tek ǵana tólemli-kontrakt tiykarında ámelge asırıladı. Qabıllaw procesinde hesh qanday jeńillik (kvota yamasa shegirme) qollanılmaydı. Kiriw imtixanlarınan tabıslı ótip, kontrakt tólemin ámelge asırǵan abiturientler studentlikke usınıs etiledi.
Nókis mámleketlik texnika universiteti - xalıqaralıq bilimlendiriwge isenimli qádem!