Berdaq atındaǵı Qaraqalpaq mámleketlik universitetinde paytaxtımızdaǵı barlıq joqarı oqıw orınları studentleri qatnasıwında "Bir Watan, bir xalıq bolıp, jańa ómir hám keleshek jaratamız!" súreni astında ótkerilgen "Talaba-FEST" festivalı sheńberindegi sport jarısları hám intellektual oyınlar óz juwmaǵına jetti.
Jaslar arasında doslıq hám awızbirshilik ortalıǵın bekkemlew, salamat turmıs tárizin úgit-násiyatlaw maqsetinde shólkemlestirilgen bul qızǵın jarıslarda Nókis mámleketlik texnika universiteti student-jasları múnásip qatnasıp, tómendegi joqarı nátiyjelerdi qolǵa kirgizdi:
Sporttıń mini futbol túri boyınsha: NMTU qurama komandası — 2-orın;
"Zakovat" intellektual oyınında: NMTU "Texnika" toparı — 3-orın;
Stol tennisi boyınsha: Jasalma intellekt fakultetiniń 1-kurs studenti R.Nazarbekov — 3-orın;
Badminton boyınsha:
Ekonomika hám telekommunikaciya injiniringi fakultetiniń 1-kurs studenti E.Bekmuratov - 2-orın;
Kompyuter ilimleri fakultetiniń 1-kurs studenti S.Kurmangalieva 2-orındı iyelep, ózlerinin shaqqanlıǵı hám sport sheberligi menen múnásip qatnastı.
Ilaj juwmaǵında belsene qatnasqan, joqarı orınlardı iyelegen komandalar hám sportshı studentlerimiz arnawlı sıylıqlar menen sıylıqlandı.