Nókis mámleketlik texnika universitetinde aralıqtan oqıtıwdıń dáslepki pitkeriwshileri Mámleketlik attestaciya imtixanların tapsırdı

Nókis mámleketlik texnika universitetinde bakalavriat tálim baǵdarları boyınsha pitkeriwshi studentler ushın Mámleketlik attestaciya imtixanları bolıp ótti. Bul imtixanlar universitet tariyxında birinshi márte aralıqtan bilim alǵan pitkeriwshiler ushın shólkemlestirildi.

Mámleketlik attestaciya processleri belgilengen tártip hám talaplar tiykarında, ashıq-aydınlıq jáne qalıslıq principlerine qatań ámel etken halda ótkerildi. Imtixanlarda studentler tárepinen iyelengen teoriyalıq bilim hám ámeliy kónlikpeler ádil bahalandı.

Universitet basshıları hám professor-oqıtıwshıları barlıq pitkeriwshilerdi usı áhmiyetli basqıshtan tabıslı ótkeni menen qutlıqlaydı hám olardıń aldaǵı jumıslarında úlken tabıslar tileydi.