“Eń jaqsı programmist” olimpiadası

2026-jıldıń 19-may sánesinde Qaraqalpaqstan Respublikasındaǵı mektep hám texnikum oqıwshıları arasında Nókis mámleketlik texnika universiteti tárepinen programmalastırıw boyınsha “Eń jaqsı programmist” olimpiadası ótkeriletuǵının daǵazalaymız. Tańlawǵa programmalastırıwǵa qızıǵıwshı oqıwshı jaslar qatnasa aladı.

Tańlaw qatnasıwshıları C++, C#, Java, Python, Ruby, PHP, JavaScript,TypeScript hám basqa da zamanagóy programmalastırıw tilleriniń birinen paydalanıwı múmkin.

Tańlaw juwmaǵında 1,2 hám 3-orın jeńimpazları Nókis mámleketlik texnika universiteti tárepinen qımbat bahalı sawǵalar menen sıylıqlanadı.

Solay eken húrmetli oqıwshı jaslar, Programmalastırıwdan óz bilimińizdi teńleslerińiz arasında jáne de sınap kóriw imkaniyatınan paydalanıń. Biz sizdi kútip qalamız.

Qatnasıwshılardı dizimge alıw siltemesi arqalı ámelge asırıladı, dizimge alıw 2026-jıldıń,18-may sánesine shekem dawam etedi.

Ótkeriletuǵın orın: Nókis mámleketlik texnika universiteti bas imaratı.
Waqtı: 19-may, saat: 14:00 de.