"Meniń biznes rejem" seminar-trening

Nókis mámleketlik texnika universiteti Kompyuter ilimleri fakultetinde "Keleshekke qádem" joybarı sheńberinde "Meniń biznes rejem" atamasında seminar-trening bolıp ótti.

Ilajda biznes hám qarjı tarawında tájiriybege iye qánigeler - biznes trener A.Kaypanov, Sawda-sanaat palatasınıń wákili J.Berdimuratov, sonday-aq, Ózbekstan Milliy banki Qaraqalpaqstan Respublikası bas basqarmasınıń menedjeri A.Eshmuratova qatnastı.

Trening dawamında ekspertler studentlerge biznes-reje dúziw basqıshları, startaptı qarjılandırıw imkaniyatları hám jas isbilermenler ushın ámeliy baǵdarlar haqqında kórgizbeli usılda maǵlıwmatlar berdi.

Seminar studentlerde isbilermenlik ideyaların qáliplestiriw, óz biznes joybarların jolǵa qoyıw hám olardı ekonomikalıq jaqtan tiykarlaw kónlikpelerin rawajlandırıwǵa qaratıldı.