"Keleshekke qádem" baǵdarlaması boyınsha ilaj shólkemlestirildi

Nókis mámleketlik texnika universiteti "Telekommunikaciya injiniringi" fakultetinde Ózbekstan Respublikası Prezidentiniń 2025-jıl 14-fevraldaǵı qararınıń orınlanıwın támiyinlew, pitkeriwshi student-jaslardı miynet bazarına tayarlaw, olardıń bántligin támiyinlew maqsetinde "Keleshekke qádem" baǵdarlaması sheńberinde seminar-trening bolıp ótti.

Ilajǵa fakultet dekanı doc. B.Fayzullaev, "Keleshekke qádem" joybarı boyınsha NMTU juwapkeri Q.Shınıbekov, "Ózmilliybank" AJ Qaraqalpaqstan Respublikası Bas basqarması Keleshekke qádem orayı menedjeri A.Eshmuratova, universitetke biriktirilgen bank xızmetkeri A.Djalimovlar qatnastı.

Ushırasıw dawamında studentler qararda belgilengen jańa imkaniyatlar, miynet bazarında óz ornın tabıw mexanizmleri, sonday-aq, kommerciyalıq bankler hám jeke menshik sektor menen birgelikte kadrlar tayarlaw procesindegi jańalıqlar haqqında tolıq maǵlıwmatlar aldı.