-A A +A
QARO'ZBРУСENG
Qaraqalpaq háripleri:

“Doslıq kárwanı” joybarı sheńberinde saltanatlı ushırasıw hám koncert baǵdarlaması ótkerildi

2026-jıl 17-noyabr kúni Nókis mámleketlik texnika universitetinde “Doslıq kárwanı” joybarı sheńberinde saltanatlı ushırasıw hám bayramona koncert baǵdarlaması bolıp ótti.

Ilajda Nókis mámleketlik texnika universiteti rektorı, t.i.d., professor B.T.Kaipbergenov sózge shıǵıp, miymanlardı qutlıqladı hám joybardıń jaslar arasındaǵı doslıq penen birge islesiwdi bekkemlewdegi ornın atap ótti. Sonday-aq, Oqıw isleri boyınsha prorektor R.Oteniyazov universitet iskerligi hám ta’lim baǵdarları boyınsha maǵlıwmat berdi.

Ushırasıwda Qarshı, Ferǵana, Buxara, Tashkent mámleketlik texnika universitetleri, Ándijan hám Namangan mámleketlik texnika institutları wákilleri hám rektor másláhátshisi J.Djumabekov sózge shıǵıp, joybar qatnasıwshılarına ózleriniń jaqsı tileklerin bildirdi.

Ilaj sońında universitet student-jasları tárepinen tayarlanǵan bayramona koncert baǵdarlaması kórsetildi.

Bul ushırasıwlar respublikamız joqarı oqıw orınları studentleriniń óz ara tájiriybe almasıwı hám doslıq qatnasıqların bekkemlewge xızmet etedi.