-A A +A
QARO'ZBРУСENG
Qaraqalpaq háripleri:

“Doslıq kárwanı” delegaciyası universitetke jetip keldi

2026-jıl 17-noyabr kúni respublikamızdıń túrli aymaqlarındaǵı texnika joqarı oqıw orınlarınan Qaraqalpaqstanǵa kelgen “Doslıq kárwanı” joybarı qatnasıwshıları Nókis mámleketlik texnika universitetine jetip keldi. Universitet bas imaratında miymanlardı saltanatlı kútip alıw máresimi bolıp ótti.

Universitet jámááti miymanlardı milliy úrp-ádet hám dástúrler tiykarında, qaraqalpaq xalqınıń dástúriy qonaqshıllıǵı menen kútip aldı. Onda qatnasıwshılarǵa milliy taǵamlar usınıs etilip, jaqsı tilekler bildirildi.

Sonday-aq, miymanlar universitet imaratı, oqıw auditoriyaları, studentler ushın jaratılǵan sharayatlar hám universitet aymaǵında ámelge asırılıp atırǵan jumıslar menen jaqınnan tanıstı.

“Doslıq kárwanı” joybarı sheńberindegi ilajlar student-jaslar arasında óz ara doslıq hám birge islesiw baylanısların jańa basqıshqa kóteriwge xızmet etedi.