-A A +A
QARO'ZBРУСENG
Qaraqalpaq háripleri:

“Doslıq kárwanı” delegaciyası universitetke jetip keldi

2026-jıl 17-noyabr kúni respublikamızdıń túrli aymaqlarındaǵı texnika joqarı oqıw orınlarınan Qaraqalpaqstanǵa kelgen "Doslıq kárwanı" joybarı qatnasıwshıları Nókis mámleketlik texnika universitetine jetip keldi. Universitette miymanlar saltanatlı túrde kútip alındı.

Ilajda Nókis mámleketlik texnika universiteti rektorı, texnika ilimleri doktorı, professor B.T.Kaipbergenov shıǵıp sóylep, miymanlardı qızǵın qutlıqladı hám "Doslıq kárwanı" joybarınıń student-jaslar arasında doslıq, awızbirshilik hám óz-ara birge islesiwdi rawajlandırıwdaǵı áhmiyetin atap ótti.

Sonday-aq, universitettiń oqıw isleri boyınsha prorektorı R.Oteniyazov miymanlarǵa Nókis mámleketlik texnika universitetiniń jumısı, bilimlendiriw baǵdarları, bar imkaniyatları hám erisilip atırǵan nátiyjeleri haqqında maǵlıwmat berdi.

Ilaj dawamında Qarshi mámleketlik texnika universiteti Jaslar máseleleri hám ruwxıy-aǵartıwshılıq isleri boyınsha birinshi prorektorı A.Murtazaev, Ferǵana mámleketlik texnika universiteti Jaslar menen islesiw, ruwxıy-aǵartıwshılıq bólimi baslıǵı B.Abduxalilov, Buxara mámleketlik texnika universiteti juwapkeri G.Izzatullaeva, Tashkent mámleketlik texnika universiteti Jaslar menen islesiw, ruwxıy-aǵartıwshılıq bólimi baslıǵı Sh.Suyarov, Ándijan mámleketlik texnika institutı dekan orınbasarı J.Obidxonov, Namangan mámleketlik texnika universiteti Jaslar menen islesiw, ruwxıylıq hám aǵartıwshılıq bólimi baslıǵı N.Raximboyev, Nókis mámleketlik texnika universiteti rektorı másláhátshisi J.Djumabekov shıǵıp sóylep, joybar qatnasıwshıların qızǵın qutlıqladı hám olarǵa jaqsı tileklerin bildirdi.

Bunnan soń miymanlar ushın universitet student-jasları tárepinen tayarlanǵan bayram koncert baǵdarlaması qoyıp berildi.

"Doslıq kárwanı" joybarı sheńberindegi ushırasıwlar túrli aymaqlardaǵı joqarı bilimlendiriw mákemeleriniń student-jaslarınıń óz-ara tanısıwı, pikir hám tájiriybe almasıwı, jańa doslıq baylanısların ornatıwı hám birge islesiw baylanısların rawajlandırıwǵa xızmet etedi.