-A A +A
QARO'ZBРУСENG
Qaraqalpaq háripleri:

“Doslıq kárwanı” delegaciyası Nókis temir jol vokzalında saltanatlı kútip alındı

2026-jıl 17-noyabr kúni Nókis temir jol vokzalında “Doslıq kárwanı” joybarı sheńberinde respublikamızdıń túrli aymaqlarındaǵı texnika joqarı oqıw orınlarınan Qaraqalpaqstanǵa kelgen student-jaslar delegaciyaların saltanatlı kútip alıw máresimi bolıp ótti.

Miymanlar Nókis mámleketlik texnika universiteti basshılıǵı, taraw prorektorları, fakultet dekanları, dekan orınbasarları, tyutorlar, Jaslar awqamınıń baslanǵısh shólkemi hám "Qalqan" toparı wákilleri tárepinen joqarı kóterinki kewil-keypiyatta, saltanatlı túrde kútip alındı.

Bul sapar hár túrli joqarı oqıw orınlarında bilim alıp atırǵan student-jaslarǵa bir-biri menen jaqınnan tanısıw, óz ara pikir almasıw, jańa doslıq baylanısların ornatıw hám Qaraqalpaqstannıń tariyxı, mádeniyatı menen tanısıw ushın imkaniyat jaratadı.

“Doslıq kárwanı” joybarı joqarı oqıw orınları arasındaǵı baylanıslardı bekkemlew, student-jaslar arasında doslıq, óz ara húrmet hám birge islesiwdi rawajlandırıwǵa qaratılǵan áhmiyetli joybar bolıp esaplanadı.