-A A +A
QARO'ZBРУСENG
Qaraqalpaq háripleri:

Rektor student-jaslar menen kóshpeli qabıllaw ótkerdi

Búgin, 16-noyabr kúni Nókis mámleketlik texnika universiteti rektorı, t.i.d., professor B.T.Kaipbergenov tárepinen student-jaslar ushın kóshpeli qabıllaw ótkerildi.

Qabıllaw dawamında studentler bilimlendiriw procesin shólkemlestiriw, kontrakt tólemleri, akademiyalıq dem alıs, oqıw hám jasaw sharayatları, qospa bilimlendiriw baǵdarlamalarında qatnasıw múmkinshilikleri hám basqa da sociallıq máseleler boyınsha óz múrájat, usınıs hám pikirlerin tikkeley rektorǵa bildirdi.

Múrájatlarda kóterilgen máseleler tıńlanıp, olardıń sheshimi boyınsha tiyisli juwapkerlerge anıq tapsırmalar berildi. Studentler tárepinen bildirilgen usınıslar da itibarǵa alınıp, olardı ámelge asırıw múmkinshilikleri kórip shıǵıldı.

Bunday ushırasıwlar student-jaslardıń pikir hám baslamaların tıńlaw, olardı qıynap atırǵan máselelerge óz waqtında sheshim tabıw hám universitet penen studentler arasındaǵı ashıq sáwbetlesiwdi bekkemlewge xızmet etedi.