Studentlerdiń múrájatların, usınıs-pikirlerin úyreniw hám oqıw procesinde júzege kelip atırǵan máselelerine itibar qaratıw maqsetinde Nókis mámleketlik texnika universiteti rektorı, t.i.d., professor B.T.Kaipbergenov tárepinen studentler ushın kóshpeli qabıllaw ótkeriledi.
Qabıllaw dawamında bilimlendiriw procesin shólkemlestiriw, kontrakt tólemleri, akademiyalıq dem alıs, oqıw hám jasaw ushın jaratılǵan sharayatlar, qospa bilimlendiriw baǵdarlamaları boyınsha múmkinshilikler hám studentlerdiń sociallıq máselelerine tiyisli múrájatlar qabıl etiledi.
Sonday-aq, studentler ózlerin qızıqtırǵan máseleler boyınsha rektorǵa tikkeley múrájat etip, usınıs hám pikirlerin bildiriw múmkinshiligine iye boladı.
Qabıllaw barısında bildirilgen hárbir múrájat hám usınıs úyrenilip, kóterilgen máselelerdi sheshiw boyınsha tiyisli juwapkerlerge tapsırmalar beriledi.
Sánesi: 2026-jıl 16-noyabr
Waqtı: 10:30
Mánzili: NMTU bas imaratı Májilisler zalı
