Konferenciya sheńberinde jasıl ekonomikanı rawajlandırıwda jasalma intellekt hám zamanagóy informaciyalıq texnologiyalarınan paydalanıw, sanlı transformaciya, aqıllı bilimlendiriw platformaların jaratıw hám kiberqáwipsizlik máselelerine baylanıslı ilimiy bayanatlar tıńlandı. Qatnasıwshılar óz izertlewleriniń nátiyjelerin usınıs etip, bar mashqalalar hám olardıń sheshimleri boyınsha pikir almastı.
Juwmaqlawshı bólimde sekciya basshıları shıǵıp sóylep, usınılǵan bayanatlar hám dodalanǵan ilimiy máseleler boyınsha pikir bildirdi.
Sonday-aq, konferenciyanı joqarı dárejede shólkemlestiriw hám ótkeriwge qosqan úlesi ushın shólkemlestiriwshilerge minnetdarshılıq xatları tapsırıldı. Sekciyalarda bayanatları menen qatnasqan qatnasıwshılar bolsa sertifikatlar menen sıylıqlandı.
Konferenciya ilimpazlar, professor-oqıtıwshılar hám izertlewshiler arasında ilimiy birge islesiwdi rawajlandırıw, tájiriybe almasıw hám jasıl ekonomika hám jasalma intellekt baǵdarlarındaǵı perspektivalı ilimiy izleniwlerdi qollap-quwatlawǵa xızmet etti.
