Energiya tejemliligi – cifrlar menen túsindirilgen ápiwayı haqıyqatlar
Nókis mámleketlik texnika universiteti "Kánshilik isi hám energetika" fakultetinde Ózbekstan Respublikası Prezidentiniń "2026-jılda energiya nátiyjeliligin arttırıw, energiya resursların únemlew hám olardan aqılǵa muwapıq paydalanıwdıń qosımsha is-ilajları haqqında"ǵı Pármanı tiykarında energiya tejemliligi boyınsha bilim hám kónlikpelerin arttırıwǵa qaratılǵan ilaj ótkerildi.
Ilaj dawamında elektr energiyasın únemli paydalanıw usılları, elektr ásbaplarınıń energiya sarpı hám kúndelikli turmısta energiyanı únemlewdiń ápiwayı, biraq nátiyjeli usılları túsindirildi. Sonday-aq, energiya resurslarınan únemli paydalanıw tek ekonomikalıq jaqtan emes, al qorshaǵan ortalıqtı qorǵaw hám turaqlı rawajlanıwdı támiyinlewde de áhmiyetli ekeni atap ótildi.
