Usı wazıypalardıń orınlanıwın támiyinlew maqsetinde Ózbekstan Respublikası Joqarı bilimlendiriw, ilim hám innovaciyalar ministrliginiń 2026-jıl 1-iyuldaǵı 02/09-5233-sanlı xatında joqarı bilimlendiriw shólkemlerinde ornatılǵan quyash fotoelektr stanciyalarınıń texnikalıq jaǵdayın úyreniw, anıqlanǵan kemshiliklerdi saplastırıw boyınsha ilajlardı belgilew sıyaqlı bir qatar wazıypaları belgilengen.
Joqarıda belgilengen tapsırmalardıń orınlanıwı boyınsha aymaqtaǵı joqarı oqıw orınlarında ornatılǵan quyash fotoelektr stanciyaların dáslepki energiya auditinen ótkeriw boyınsha ministrlik, Nókis mámleketlik texnika universiteti hám basqa da joqarı oqıw orınlarınıń xızmetkerlerinen ibarat isshi topar shólkemlestirilip, óz jumısın alıp barmaqta.
Process dawamında isshi topar tárepinen quyash fotoelektr stanciyalarınıń texnikalıq jaǵdayı, ornatıw hám montajlaw jumıslarınıń sapası, elektr kabellerdiń talaplarǵa muwapıqlıǵı, invertorlar jumısı hám basqa da texnikalıq tárepleri úyrenilmekte.
Bul jumıslar qayta tikleniwshi energiya dereklerinen nátiyjeli paydalanıw, energiya únemlewshi texnologiyalardı keńnen engiziw hám joqarı bilimlendiriw shólkemlerinde energetikalıq turaqlılıqtı támiyinlewge xızmet etedi.
