Kafedranıń tájiriybeli qániygeleri qatnasıwında aymaqtaǵı máhálleler, joqarı oqıw orınları hám keń jámáátshilik wákilleri arasında keń kólemli túsindiriw hám úgit-násiyatlaw is-ilajları shólkemlestirildi. Seminarda búgingi kúnde tarawǵa engizilip atırǵan zamanagóy quyash panelleri, invertorlar hám energiya únemlewshi úskenelerdiń ekonomikalıq hám ekologiyalıq áhmiyeti turmıslıq mısallar menen túsindirildi.
Ushırasıwda jaslar hám máhálle turǵınları belsene qatnasıp, ózlerin qızıqtırǵan sorawlarına juwaplar aldı. Bul sıyaqlı ushırasıwlar qatnasıwshılardıń qayta tikleniwshi energiya hám "jasıl ekonomika" tarawındaǵı bilimlerin ele de bayıtıwǵa xızmet etedi.
