Ilajdı Injenerlik texnologiyaları fakulteti dekanı S.Allaniyazov ashıp berdi. Sonday-aq, ilajǵa "Ximiya injenerligi" kafedra baslıǵı A.Kurbanbaeva, shólkemlestiriwshiler A.Akimova, J.Abdullaeva, G.Kurbanov, kafedra professor-oqıtıwshıları qatnasıp, jaslardı olimpiada shártleri hám ótkeriliw tártibi menen jaqınnan tanıstırdı.
Olimpiada eki basqıshtan ibarat boldı:
Test sınaǵı: 25 soraw (hár biri 2 balldan).
Jazba jumıs: 5 soraw (hár biri 10 balldan).
Tóreshiler quramı tárepinen múnásip bahalanǵan olimpiada juwmaǵında tómendegi studentler jeńimpaz boldı:
Ekologiya qánigeligi boyınsha:
1-orın - O.Muminov – Nókis mámleketlik texnika universiteti Injenerlik texnologiyaları fakulteti 4-kurs studenti;
2-orın - L.Usnatdinova – Qaraqalpaq mámleketlik universiteti 3-kurs studenti;
3-orın - G.Seytniyazova – Qaraqalpaqstan awıl xojalıǵı hám agrotexnologiyalar universiteti 3-kurs studenti.
Ekologiya qánigeligi emes baǵdarlar boyınsha:
1-orın - N.Baymuratova – Jasalma intellekt fakulteti 3-kurs studenti;
2-orın - A.Asanova – Ekonomika hám telekommunikaCiya fakulteti 2-kurs studenti;
3-orın - A.Qaldıbaeva – Ekonomika hám telekommunikatsiya fakulteti 3-kurs studenti.
Ilaj sońında jeńimpazlar shólkemlestiriwshiler tárepinen arnawlı diplomlar hám estelik sawǵaları menen sıylıqlandı. Bul iláj jaslardıń dóretiwshilik qábiletlerin rawajlandırıwǵa hám keleshekte óz tarawınıń kózge kóringen qánigeleri bolıp jetilisiwine úlken múmkinshilik jaratadı.
