Sonday-aq, qatnasıwshılar ushın fakultet boylap tanısıw sayaxatı shólkemlestirilip, sayaxat dawamında zamanagóy laboratoriyalar hám ilimiy oraylardıń jumısı menen jaqınnan tanıstırıldı. Atap aytqanda, Computer Graphics and Vision Group, Electronic CAD and Reliability Group, Database and Data Mining Group jáne Computer and Network Security laboratoriyalarında alıp barılıp atırǵan ilimiy-izertlew jumısları, innovaciyalıq joybarlar hám aldınǵı texnologiyalıq sheshimler boyınsha hár tárepleme maǵlıwmatlar berildi.
Bunnan tısqarı, seminar-trening sheńberinde Politecnico di Torino janındaǵı "Clean Water Center" ilimiy-izertlew hám tájiriybe-sınaw orayına barıldı. Bul orayda suwdı qayta tazalaw texnologiyaları, ekologiyalıq mashqalalardı sheshiwge qaratılǵan innovaciyalıq qollanbalar hám studentler tárepinen ámelge asırılıp atırǵan ámeliy joybarlar menen jaqınnan tanıstı.
Bul saparlar qatnasıwshılarǵa Italiyanıń aldınǵı ilimiy tájiriybelerin úyreniw, zamanagóy ilimiy baǵdarlar menen jaqınnan tanısıw hám keleshekte óz-ara ilimiy birge islesiwdi jáne de rawajlandırıw ushın áhmiyetli tiykar bolıp xızmet etpekte.
