Shembilik dawamında aymaqlardı tártipke keltiriw, terekler átirapın hám jasıl maydanlardı tazalaw, jollar hám jámiyetlik orınlardı abadanlastırıw sıyaqlı jumıslar orınlanıp, qorshaǵan ortalıqtı jáne de taza hám bereketli etiwge ayrıqsha itibar qaratılmaqta. Bul processte universitet jámáátiniń awızbirshiligi, intakerligi hám sociallıq juwapkershiligi ayqın kózge taslanbaqta.
Bunday iygilikli baslamalar tek ǵana aymaqlardıń abat bolıwına xızmet etip qoymastan, al jaslardıń qálbinde tábiyatqa mehir, qorshaǵan ortalıqtı saqlaw hám jámiyetlik turmısta belsendi bolıw sıyaqlı áhmiyetli qádiriyatlardı bekkemleydi. Nókis mámleketlik texnika universiteti jámááti keleshekte de bunday sociallıq áhmiyetke iye baslamalarda belsene qatnasıp, elimizdiń rawajlanıwı hám abadanlıǵına óz úlesin qosıwda dawam etedi.
