Búgin Nókis mámleketlik texnika universitetiniń professor-oqıtıwshıları, xızmetkerleri hám student-jasları da usı iygilikli ilajǵa belsene qatnasıp, universitet aymaǵı hám biriktirilgen aymaqlarda abadanlastırıw, kóklemzarlastırıw, aymaqlardı tazalaw hám tártipke keltiriw jumısların ámelge asırmaqta.
Shembilik dawamında terek hám gúl nálleri tárbiyalanıp, aymaqlar tazalanbaqta, jasıl maydanlar tártipke keltirilmekte. Bunday iygilikli baslamalar tek ǵana qorshaǵan ortalıqtı jáne de gózzal etiwge emes, al jámáátte awızbirshilik hám tatıwlıq ortalıǵın bekkemlewge de xızmet etpekte.
Barlıq watanlaslarımızdı ulıwmaxalıqlıq qayırqomlıq shembiligi sheńberinde elimiz abadanlıǵı hám tazalıǵın támiyinlewge óz úlesin qosıp, bul iygilikli baslamada belsene qatnasıwǵa shaqıramız.
