Bul abıraylı anjuman Oraylıq Aziya mámleketlerinen 200 den aslam puqaralıq jámiyeti shólkemleriniń wákilleri, jaslar platformaları, húkimet uyımları, xalıqaralıq shólkemler, BMSh agentlikleri hám Evropa Awqamı institutlarınıń wákillerin bir maydanda jámledi.
Forumnıń 2026-jılǵı teması - "Puqaralıq belsendiligi arqalı Global Gateway baslamasın alǵa qoyıw" - tómendegi tiykarǵı baǵdarlardı qamtıp aldı:
- Sanlı transformaciya
- Klimat ózgeriwi hám qorshaǵan ortalıqtı qorǵaw
- Basqarıw hám juwapkerli isbilermenlik
- Hayal-qızlardıń huqıqları menen imkaniyatların keńeytiw
- Qarar qabıl etiw procesinde jaslardıń qatnasıwı.
Forum UNOPS tárepinen Daniya Insan huqıqları institutı menen birgelikte shólkemlestirilip, regionda puqaralıq jámiyeti kún tártibin qáliplestiriw hám Evropa Awqamı - Oraylıq Aziya siyasiy qarım-qatnasına úles qosatuǵın áhmiyetli platforma bolıp esaplanadı.
Ilaj sheńberinde tek ǵana joqarı dárejedegi dodalawlar emes, al Evropa Awqamınıń grantlarına kiriw imkaniyatları, puqaralıq jámiyeti institutlarınıń potencialın arttırıw hám siyasat islep shıǵıw processlerinde teńdey sherik sıpatında qatnasıw máselelerine baǵıshlanǵan ámeliy sessiyalar da ótkerildi.
