Ilaj sheńberinde "Kompyuter ilimleri" fakultetinde eki áhmiyetli sekciya májilisi bolıp ótti:
1-sekciya - Matematikalıq modellestiriw hám esaplaw matematikası.
Bul sekciyada quramalı texnologiyalıq processlerdi modellestiriw, esaplaw algoritmlerin jetilistiriw, jasalma intellekt ushın matematikalıq tiykarlar, optimallastırıw usılları jáne turaqlı rawajlanıwǵa xızmet etetuǵın matematikalıq kózqaraslar haqqında ilimiy bayanatlar tıńlandı.
Qatnasıwshılar zamanagóy sanaat, energetika hám ekologiyalıq monitoring tarawlarında matematikalıq modellestiriwdiń qollanılıwı boyınsha nátiyjeli pikir almastı.
2-sekciya - Awıl xojalıǵı tarmaqlarında basqarıw sistemaları, klimat ózgeriwin monitoring etiwde aralıqtan identifikaciyalaw hám de GIS texnologiyaları.
Bul bólimde aralıqtan zondlaw, jasalma joldas maǵlıwmatların qayta islew, awıl xojalıǵı jerleriniń sanlı monitoringi, klimat ózgeriwi indikatorların anıqlaw hám GIS sistemaların basqarıw processlerine engiziw boyınsha innovaciyalıq kózqaraslar dodalandı.
Jasalma intellekt tiykarındaǵı ekologiyalıq tallaw, resurslardan únemli paydalanıw hám sanlı agrotexnologiyalar boyınsha ámeliy usınıslar alǵa qoyıldı.
Konferenciyanıń bul bólimleri ilimiy birge islesiwdi bekkemlewge, jańa ideyalar hám joybar baslamaların qáliplestiriwge xızmet etti. Qatnasıwshılar ekologiyalıq turaqlı rawajlanıw ushın zamanagóy sanlı sheshimlerdi islep shıǵıw boyınsha óz-ara tájiriybe almastı.
