Ilaj baǵdarlaması sheńberinde bir neshe sektorlar shólkemlestirilgen bolıp, olarda qorshaǵan ortalıqtı monitoring etiw, shıǵındılardı qayta islew, sanlı ekologiyalıq basqarıw, energetika tarawında jasalma intellekt sheshimleri hám turaqlı texnologiyalardı turmısqa engiziwge baylanıslı ilimiy bayanatlar beriledi.
Anjuman sheńberindegi "3-seksiya - Zamanagóy injenerlik texnika hám texnologiyalarınıń innovaciyalıq hám ekologiyalıq sheshimi" baǵdarı Kánshilik isi hám energetika fakultetinde ótkerilmekte.
Bul seksiyada kánshilik isi sanaatı, energetika sistemaları, injenerlik processleri hám zamanagóy texnologiyalardıń ekologiyalıq qáwipsizligi máseleleri dodalandı. Sonday-aq, jasalma intellekt tiykarında islep shıǵılatuǵın sheshimler arqalı resurslardan aqılǵa muwapıq paydalanıw, óndiris processlerin avtomatlastırıw, shıǵındısız sanaat texnologiyaların engiziw hám ekologiyalıq qáwip faktorların azaytıwǵa qaratılǵan ilimiy usınıslar usınıldı.
Konferenciya qatnasıwshıları óz-ara ilimiy pikir almasıw, birge islesiw baylanısların bekkemlew, ilimiy-ámeliy joybarlardı qáliplestiriw hám ekologiyalıq turaqlı rawajlanıwǵa xızmet etetuǵın innovaciyalıq baslamalardı jolǵa qoyıw imkaniyatına iye boldı.
