-A A +A
QARO'ZBРУСENG
Qaraqalpaq háripleri:

"Jasıl mákan" ulıwma milliy joybarı sheńberindegi "Áhmiyetli bir aylıq" akciyasına Nókis mámleketlik texnika universiteti jámáátin belsene qatnasıwǵa shaqıramız

"Qorshaǵan ortalıqtı qorǵaw hám "jasıl" ekonomika" jılında ámelge asırılıp atırǵan bul baslama - tek ǵana qorshaǵan ortalıqtı abat etiw emes, al keleshek áwladqa qolaylı ekologiyalıq mákan jaratıw jolındaǵı áhmiyetli qádem bolıp esaplanadı. Usı múnásibet penen barlıq professor-oqıtıwshılar, xızmetkerler hám universitet jámáátin erteń, yaǵnıy 22-noyabr kúni ózleri jumıs alıp barıp atırǵan imarat hám aymaqlar átirapında nál egiw, kóklemzarlastırıw jumıslarına belsene qatnasıwǵa shaqıramız.

Sonday-aq, ámelge asırılatuǵın jumıslardı nátiyjeli shólkemlestiriw maqsetinde qatnasıwshılardan nál egiw ushın zárúr bolǵan bel, ketpen sıyaqlı miynet quralların ózleri menen alıp keliwin sorap qalamız.

Umıtpań, búgin egilgen hár bir nál - erteń hawanı tazalawshı, átirapqa payız, insanlarǵa quwanısh baǵıshlawshı terekke aylanadı. Jıllar ótip, usı tereklerdiń qasınan óter ekensiz, islegen iygilikli isińizden maqtanısh sezesiz.

Tábiyatqa mehir baǵıshlayıq, jasıl mákanlardı keńeytip, qorshaǵan ortalıq ushın juwapker jámiyet bolayıq. Hár bir nál - biziń keleshekke qosqan úlesimiz.