Sapar dawamında jumısshı topar rayon aymaǵında alıp barılıp atırǵan terek egiw, jasıl maydanlardı keńeytiw hám tárbiyalaw jumısları menen jaqınnan tanıstı. Juwapkerler tárepinen joybar sheńberinde orınlanǵan jumıslar hám keleshektegi rejeler haqqında maǵlıwmat berildi.
Rektor B.T. Kaipbergenov "Jasıl mákan" baslamasınıń ekologiyalıq ortalıqtı jaqsılaw, elatlı punktlerde qolaylıq jaratıw hám jaslardı tábiyatqa itibarlı bolıw ruwxında tárbiyalawdaǵı áhmiyetin atap ótti.
Nókis mámleketlik texnika universiteti jámááti usı joybar sheńberinde ózine biriktirilgen aymaqlarda abadanlastırıw jumısların izbe-iz dawam ettiriw, jasıl aymaqlardı kóbeytiw hám olardı turaqlı tárbiyalaw boyınsha belsene qatnasadı.
