Ilajdıń ashılıw saltanatında fakultettiń dekan orınbasarı Sh.Baymuratov, tyutorlar sonday-aq, student-jaslar hám professor-oqıtıwshılar qatnastı.
Akciya dawamında student-jaslar universitet átirapı - yaǵnıy ózleriniń oqıw ornınıń aymaǵında keń kólemli sanitariyalıq-tazalaw jumısların ámelge asırdı. Bul jumıs tek ǵana aymaqtı tazalaw emes, al tábiyatqa mehir oyatıw, ekologiyalıq sana-sezimdi arttırıw hám salamat jasaw mádeniyatın qáliplestiriwge qaratılǵan áhmiyetli baslama boldı.
Bunday eko-aktiv baslamalar jaslardıń ekologiyalıq mádeniyatın arttırıw, qorshaǵan ortalıqtı saqlawǵa bolǵan juwapkershiligin bekkemlew hám "abadan aymaq" jaratıw ideyasın turmısqa engiziwde úlken áhmiyetke iye.
