Bul keń kólemli ekologiyalıq baslamalardada Nókis mámleketlik texnika universitetiniń Jaslar awqamı baslanǵısh shólkemi, belsendi hám ziyrek jaslarıda óz baslamaları menen qatnaspaqta.
Akciya qatnasıwshıları dáslep elimizdiń bay tariyxı hám mádeniyatı menen tanısıw maqsetinde Shımbay hám Taxtakópir rayonlarında boldı. Sayaxat dawamında jaslar XVIII-XIX hám XX ásirleri mádeniy miyrasınıń úlgilerin ózinde saqlap kiyatırǵan, tariyxıy nápesi esip turǵan jerlerdi óz kózleri menen kórip, úlken tásirler aldı.
"Biz Aral menen birgemiz" eko marafonı sheńberinde Shımbay rayonı aymaǵındaǵı "Tazǵara" APJ aymaǵında jaslar ekologiyalıq akciyaları shólkemlestirildi. Bul jerde universitet student-jasları hám respublikamızdıń túrli aymaqlarınan kelgen miymanlar birgelikte jasıl maydanlardı kóbeytiw, tábiyattı qorǵaw hám ekologiyalıq mádeniyattı arttırıw maqsetinde terek nállerin egiw jumıslarında belsendilik kórsetti.
Sonıń menen birge, ilaj dawamında sóylesiwler, doslıq ushırasıwları hám birgelikte ámelge asırılǵan ekologiyalıq baslamalar jaslar arasındaǵı awızbirlilikti jánede bekkemlewge xızmet etti.
