Akciya sheńberinde universitet jámááti tárepinen aymaqlarda keń kólemli abadanlastırıw jumısları ámelge asırılmaqta. Atap aytqanda, universitet aymaǵı, oqıw imaratları átirapı hám universitetke biriktirilgen aymaqlarda tazalaw hám tártipke keltiriw jumısları alıp barılmaqta. Tereklerdiń astı jumsartılıp, aymaqlar abadanlastırılmaqta, shıǵındılar jıynalıp, qorshaǵan ortalıqtı jáne de taza hám abat etiwge qaratılǵan jumıslar ámelge asırılmaqta.
Bul akciyada qatnasıp atırǵan student-jaslar ekologiyalıq mádeniyattı arttırıw, tábiyattı saqlaw hám jasıl ortalıq jaratıw baǵdarında óz baslamaları menen belsene qatnaspaqta. Bunday iygilikli baslamalar jaslarda ana tábiyatqa húrmet, Watanǵa mehir hám jámiyet aldındaǵı juwapkershilik sezimlerin jáne de bekkemlewge xızmet etpekte.
