Nókis mámleketlik texnika universiteti jámááti de usı akciyada belsene qatnasıp, universitettiń barlıq oqıw imaratları átirapın kóklemzarlastırıw, jer maydanların tártipke keltiriw hám ortalıqtı jáne de salamatlandırıwǵa qaratılǵan jumıslardı dawam ettirmekte. Nál egiw, bos jerlerdi tayarlaw hám suwǵarıw infrastrukturasın jolǵa qoyıw jumısları basqıshpa-basqısh ámelge asırılmaqta.
Egilgen hár bir nál - bul tek ǵana búgingi miyneti emes, al keleshek áwladlarǵa qaldırılıp atırǵan biybaha ekologiyalıq miyras bolıp esaplanadı. Universitet jámáátiniń bul is-háreketleri elimizdi jáne de jasıl, taza hám turaqlı ortalıqqa aylandırıw jolındaǵı áhmiyetli qádemlerden biri bolıp xızmet etpekte. Hár bir egilgen terek erteńgi kún ushın taslanǵan isenimli qádem, tábiyatqa bolǵan húrmet hám juwapkershiliktiń ayqın kórinisi bolıp esaplanadı.
