Ilajdan gózlengen maqset kóship júriwshi quslar hám olardıń tábiyiy jasaw ortalıǵın qorǵaw, biokóptúrlilikti saqlawda quslardıń áhmiyetin jarıtıw jáne student-jaslardıń ekologiyalıq mádeniyatı hám tábiyatqa bolǵan juwapkershiligin arttırıwdan ibarat.
Ilaj dawamında quslardıń migraciya jolları, olardı qorǵaw ilajları haqqında bayanatlar hám prezentaciyalar kórsetildi. Sonday-aq, ekovolontyorlar tárepinen tayarlanǵan kórgizbeler hám úgit-násiyatlaw materialları arqalı qatnasıwshılarǵa ekologiyalıq bilimler berildi. Aralboyı aymaǵınıń ekologiyalıq turaqlılıǵın támiyinlewde quslardıń ornı hám áhmiyetine ayrıqsha itibar qaratıldı.
Bunday ilajlar jaslardıń ekologiyalıq bilimlerin arttırıw, tábiyattı qorǵawǵa baylanıslı baslamaların qollap-quwatlaw hám qorshaǵan ortalıqqa juwapkershilikli qatnastı qáliplestiriwge xızmet etedi.
