Onda mámleketimizdiń túrli aymaqlarınan kelgen ilimpazlar, akademikler, professor-oqıtıwshılar, ádebiyat hám kórkem óner ǵayratkerleri, medicina qánigeleri, jas ilimpazlar hám jámiyetshilik wákilleri qatnastı.
Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, mámleketimiz basshısınıń tikkeley baslaması menen mámleketimiz tariyxında birinshi márte "Jańa milliy rawajlanıw tayanıshı – Ózbekstan zıyalıları" ideyası astında ótkerilip atırǵan búgingi ilajdıń áhmiyetine toqtap ótti.
Májilis dawamında milliy rawajlanıwdıń áhmiyetli faktorları, jámiyet rawajlanıwında zıyalılardıń ornı hám juwapkershiligi, ilim hám bilimlendiriwdiń rawajlanıwı, milliy qádiriyatlar hám ruwxıy miyrastı saqlaw, jas áwladtıń tárbiyası sıyaqlı máseleler boyınsha pikir-usınıslar bildirildi.
