Ushırasıw dawamında universitet jámáátine mámleketimizdiń rawajlanıw jolı, xalıqaralıq maydandaǵı ornı, túrli tarawlarda ámelge asırılıp atırǵan reformalar hám erisilip atırǵan nátiyjeler sáwlelendirilgen videorolikler kórsetildi.
Videoroliklerde Ózbekstannıń sociallıq-ekonomikalıq rawajlanıw kórsetkishleri, zamanagóy infrastruktura, xalıqaralıq birge islesiw baylanıslarınıń keńeyiwi, xalıqaralıq reyting hám indekslerdegi nátiyjeler, elektron húkimet hám ashıq maǵlıwmatlar tarawındaǵı jetiskenlikler óz sáwleleniwin taptı.
Onda joqarı bilimlendiriw sistemasın modernizaciyalaw, bilimlendiriw sapasın arttırıw, zamanagóy bilim hám innovaciyalıq jantasıwlardı engiziw, básekige shıdamlı qánigeler tayarlaw baǵdarındaǵı baslı wazıypalar da sáwlelendirildi.
Kórsetilgen videorolikler arqalı mámleketimizde ámelge asırılıp atırǵan keń kólemli reformalar, erisilgen nátiyjeler hám keleshektegi rawajlanıw perspektivaları haqqında maǵlıwmat berildi.
