Seminarda Qaraqalpaqstan Respublikası Básekilik komitetiniń qánigeleri Q.Seytmuratov, I.Dalibaev, A.Aybergenov, Qaraqalpaqstan Respublikası Tutınıwshılar máplerin qorǵaw orayı bólim baslıǵı A.Arzimov hám Qaraqalpaq mámleketlik universiteti professorı Sh.Shamshetov qatnastı.
Ilaj barısında básekilik nızamshılıǵınıń tiykarǵı principleri, monopoliyaǵa qarsı komplayens sisteması, tovar hám finans bazarlarında teń básekilik sharayatların támiyinlew, tutınıwshılardıń huqıqların qorǵaw máseleleri boyınsha maǵlıwmat berildi.
Sonday-aq, Nızamnıń jańa redakciyasında belgilengen normalar, básekilik nızamshılıǵı buzılıwınıń aldın alıw ilajları hám nızam talapların buzǵanlıq ushın belgilengen juwapkershilik haqqında túsindirmeler berildi.
Seminar juwmaǵında qatnasıwshılar ózlerin qızıqtırǵan sorawlarǵa juwap alıp, tema boyınsha pikir almasıw imkaniyatına iye boldı.
