Ilaj universitet rektorınıń hayal-qızlar máseleleri boyınsha máslahátshisi Z.Djiemuratova tárepinen alıp barıldı. Ilajǵa Salamatlıq hám strategiyalıq rawajlanıw institutınıń Nókis qalalıq bólimi shıpakeri T.Ganieva, Qaraqalpaqstan Respublikası AIJSke qarsı gúresiw orayı shıpakeri K.Joldasbaeva hám universitet psixologı Z.Baymuratova qatnastı.
Ilaj dawamında náshebentliktiń insan salamatlıǵına, fizikalıq hám psixikalıq jaǵdayına keri tásiri, sonıń menen birge, onıń jámiyetlik turmıstaǵı awır aqıbetleri haqqında túsinikler berildi. Sonday-aq, jaslardı bul illetten saqlaw, zıyanlı ádetlerden awlaq bolıw, salamat turmıs tárizine ámel etiw hám bos waqıttı mazmunlı shólkemlestiriwdiń áhmiyeti atap ótildi.
Ilajǵa "Ekonomika hám telekommunikaciya injiniringi" fakultetiniń hayal-qızlar máseleleri boyınsha dekan máslahátshisi U.Saparova, fakultet tyutorı A.Ómirzakova hám student-jaslar qatnastı.
