Májiliste gúzgi-qısqı máwsimde ijara úylerde jasaytuǵın studentler ushın qáwipsiz ortalıqtı támiyinlew, órt, gaz hám elektr qáwipsizligi qaǵıydalarına ámel etiw máselelerine ayrıqsha itibar qaratıldı.
Studentlerdiń jasaw sharayatların úyreniw, jasaw mánzillerinde qáwipsizlik talaplarına ámel etiliwin qadaǵalaw hám júzege keliwi múmkin bolǵan unamsız jaǵdaylardıń aldın alıw boyınsha juwapkerlerdiń wazıypaları belgilep alındı.
Sonday-aq, studentler arasında iyis gazinen záhárleniw, órt hám elektr menen baylanıslı baxıtsız hádiyselerdiń aldın alıw boyınsha túsindiriw jumısların turaqlı alıp barıw zárúrligi atap ótildi.
Májilis juwmaǵında juwapkerlerge belgilengen wazıypalardı óz waqtında hám sapalı orınlaw, studentlerdiń jasaw orınlarında qáwipsizlikti támiyinlew hám bul baǵdardaǵı jumıslardı sistemalı shólkemlestiriw boyınsha tiyisli tapsırmalar berildi.
