Allaniyazov Satniyaz Ubbiniyazovich Nókis mámleketlik texnika universiteti Jaslar máseleleri hám ruwxıy-aǵartıwshılıq isleri boyınsha birinshi prorektorı lawazımına tayınlandı.
Ol óz miynet iskerligi dawamında texnika ilimleri kandidatı ilimiy dárejesine erisken. Sonday-aq, jámi 70 ten aslam ilimiy miynet, sonıń ishinde Scopus bazasına kiriwshi jurnallarda 3, respublikalıq hám xalıqaralıq jurnallarda 18 maqala járiyalaǵan. Sonday-aq, 3 oqıw qollanbası, 3 oqıw-metodikalıq qollanba hám 1 monografiyası baspadan shıqqan. Óndiris tarawına 2 usınıs kirgizgen. 3 oylap tabıwshılıq hám 4 paydalı model boyınsha patentlerge, sonday-aq, Rossiya Federaciyasınıń Intellektual múlk boyınsha Federal xızmeti tárepinen paydalı model ushın 1 patentke iye bolǵan. Sonday-aq, 2026-jılı Al-Farabiy atındaǵı Qazaqstan Milliy universitetinde "Joqarı bilimlendiriw menedjmenti" baǵdarlaması boyınsha qánigeligin arttırǵan. Ol usı kúnge shekem bilimlendiriw hám ilim tarawında nátiyjeli miynet etip kelmekte.
Tayınlawǵa shekem Allaniyazov Satniyaz Ubbiniyazovich Nókis mámleketlik texnika universiteti "Injenerlik texnologiyaları" fakulteti dekanı lawazımında islep kelgen.
