Ushırasıwda mektep hám universitet arasındaǵı birge islesiwdi rawajlandırıw, oqıwshılardı texnika hám injenerlik tarawlarına baǵdarlaw, olardıń ilimiy izleniwleri hám ámeliy kónlikpelerin rawajlandırıwǵa qaratılǵan máseleler dodalandı.
Onda universitettiń Oqıw isleri boyınsha prorektorı R.Oteniyazov, Oqıw-metodikalıq basqarma baslıǵı Sh.Yadgarov hám Oqıw-metodikalıq támiynat bólimi baslıǵı K.Ergaliev qatnastı. Sáwbetlesiw dawamında mektep oqıwshılarınıń universitettegi bilimlendiriw procesi, ilimiy jumıs hám bar imkaniyatlar menen tanısıwın shólkemlestiriw, olardıń texnikalıq baǵdarlarǵa qızıǵıwshılıǵın arttırıw hám keleshekte injenerlik qánigeliklerin tańlawına járdemlesiw máseleleri boyınsha pikir almasıldı.
Sonday-aq, mektep hám universitet arasında úzliksiz bilimlendiriw baylanısların jolǵa qoyıw, oqıwshılardıń bilim hám qábiletlerin rawajlandırıwǵa xızmet etetuǵın birge islesiw baǵdarların belgilewge ayrıqsha itibar qaratıldı.
