Sıylıqlaw máresimi "InnoWeek-2026" xalıqaralıq innovaciyalıq ideyalar hápteligi sheńberinde bolıp ótti. Onda Innovaciyalıq rawajlanıw agentliginiń basshılıǵı hám Ózbekstan jaslar awqamı Oraylıq Keńesiniń baslıǵı X.Sattorov qatnasıp, kókirek belgilerin óz iyelerine tapsırdı.
Usı jılı innovaciyalıq ideyalar hám texnologiyalardı rawajlandırıw, olardı ámeliyatqa engiziwge múnásip úles qosqan jámi 31 jas ilimpaz, student hám basqa da talabanlar usı kókirek belgisi menen sıylıqlandı. "Innovaciyalıq ideyalar jetekshisi" kókirek belgisi Ózbekstan Respublikası Ministrler Kabinetiniń 2018-jıl 2-oktyabrdegi 786-sanlı qararı menen shólkemlestirilgen.
Nókis mámleketlik texnika universiteti jámááti Azizjan Abubakirovtı usı kókirek belgisi menen qızǵın qutlıqlaydı hám aldaǵı jumıslarında jańa tabıslar hám áwmetler tileydi!
