Sapar dawamında xalıqaralıq ekspertler muzey ekspoziciyaları, súwretlew óneri dóretpeleri, ámeliy kórkem óner úlgileri hám muzey kollekciyalarında saqlanıp atırǵan kórkem óner dóretpeleri menen tanıstı.
Sonday-aq, muzey fondında saqlanıp atırǵan shıǵarmalardıń jaratılıw tariyxı, olardıń kórkem hám mádeniy áhmiyeti haqqında maǵlıwmat berildi. Miymanlar muzeyde jámlengen bay kórkem miyrası hám onıń ózine tán táreplerine qızıǵıwshılıq bildirdi.
Bul sapar xalıqaralıq ekspertlerge aymaqtıń mádeniy turmısı, kórkem óner dástúrleri hám tariyxıy miyrası haqqında keńirek túsinikke iye bolıw imkaniyatın berdi.
