Ushırasıwda bilimlendiriw maqsetleri hám oqıw baǵdarlamaları, sabaqlardıń shólkemlestiriliwi, bilimlerdi bahalaw hám imtixanlar procesi sıyaqlı máseleler boyınsha studentlerdiń pikiri úyrenildi. Sonday-aq, studentlerge akademiyalıq másláhát hám járdem beriw, oqıw ushın jaratılǵan sharayatlar hám sırt elde bilim alıw imkaniyatlarına itibar qaratıldı.
Studentler ózleriniń bilimlendiriw procesine baylanıslı pikir-usınısları hám tájiriybeleri menen bólisiw imkaniyatına iye boldı. Bul bolsa oqıw procesiniń studentler talaplarına sáykesligi, bar imkaniyatlar hám qollap-quwatlaw sistemasın olardıń kózqarasınan bahalawǵa járdem beredi.
Studentler menen tikkeley sóylesiw ASIIN xalıqaralıq akkreditaciyası sheńberinde bilimlendiriwdiń sapasın bahalawdıń áhmiyetli baǵdarlarınan biri bolıp, oqıw procesin jáne de jetilistiriwde studentlerdiń pikirin esapqa alıwǵa xızmet etedi.
