Seminar Evropa Awqamınıń Erasmus+ baǵdarlaması sheńberinde Joqarı bilimlendiriw reformaları boyınsha milliy ekspertler (HERE) iskerligi tiykarında, Ózbekstan Milliy Erasmus+ ofisi (NEO), Bilimlendiriw hám ilim ministrligi hám universitetimiz benen birgelikte shólkemlestirildi.
Eki kúnlik seminar dawamında:
Shveciyanıń Uppsala universiteti Izertlew etikası hám bioetika orayı direktorı, PhD Sonja Bjelobaba xalıqaralıq tájiriybe menen bólisti;
Avstriyanıń Graz texnika universiteti professorı, PhD Martin Ebner onlayn túrde bayanat qıldı;
lekciyalar, interaktiv shınıǵıwlar hám dodalawlar ótkerildi.
Qatnasıwshılar joqarı bilimlendiriwde jasalma intellektti basqarıw boyınsha Evropa jantasıwları, akademiyalıq hadallıqtı támiyinlewshi bahalaw modelleri, ilimiy izertlewlerde jasalma intellektten nadurıs paydalanıw qáwipleri hám olardı saplastırıw jolları, sonıń menen birge, izertlew nátiyjeleriniń isenimliligi hám ashıqlıǵın asırıw máseleleri menen tanısıp shıqtı.
Seminar juwmaǵında belsene qatnasqan hám ilajdı shólkemlestiriwge úlesin qosqan qatnasıwshılarǵa Minnetdarshılıq sertifikatları tapsırıldı.
