Ushırasıwda joqarı bilimlendiriw sistemasın rawajlandırıw, bilimlendiriwdiń sapasın hám nátiyjeliligin arttırıw, professor-oqıtıwshılardıń kásiplik potencialın arttırıw, jaslardı zamanagóy bilim hám kónlikpelerge iye, básekige shıdamlı qánigeler etip tayarlaw sıyaqlı áhmiyetli máselelerge itibar qaratıldı.
Sonday-aq, ushırasıw sheńberinde mámleketimizde ámelge asırılıp atırǵan reformalar, joqarı bilimlendiriw sistemasın jetilistiriwge qaratılǵan wazıypalar jáne Ózbekstannıń xalıqaralıq maydandaǵı ornı hám rawajlanıw kórsetkishlerine baǵıshlanǵan videorolikler kórsetildi.
Olarda bilimlendiriw tarawında belgilengen tiykarǵı baǵdarlar, zamanagóy bilim hám innovaciyalıq jantasıwlardı engiziw, maman kadrlar tayarlaw, sonday-aq, mámleketimizdiń xalıqaralıq reyting hám indekslerdegi kórsetkishleri, elektron húkimet hám ashıq maǵlıwmatlar tarawlarındaǵı nátiyjeler sáwlelendirildi.
Kórsetilgen videorolikler arqalı mámleketimizde alıp barılıp atırǵan reformalardıń mazmunı, erisilip atırǵan nátiyjeler hám alda turǵan wazıypalar jarıtıldı. Bul processler joqarı bilimlendiriw mákemeleriniń jumısın jaqsılaw, bilimlendiriwdiń sapasın jańa basqıshqa alıp shıǵıw hám mámleket rawajlanıwına múnásip úles qosatuǵın maman qánigelerdi tayarlawdıń áhmiyetin jáne bir márte kórsetti.
