Seminar sheńberinde Shveciyanıń Uppsala universitetiniń professorı, jasalma intellekt boyınsha Evropa Awqamınıń eksperti Sonja Bjelobaba tárepinen "Generativ jasalma intellekt dáwirinde bahalaw" atamasında bayanat hám ámeliy sabaq alıp barılmaqta.
Dodalawda generativ jasalma intellekt keń qollanılıp atırǵan sharayatta studentlerdiń bilimin bahalaw, bahalaw sistemalarınıń isenimliligin támiyinlew hám akademiyalıq hadallıq principlerine ámel etiw máselelerine itibar qaratılmaqta.
Seminar xalıqaralıq tájiriybeni úyreniw hám jasalma intellekt imkaniyatlarınan bilimlendiriw procesinde juwapkershilikli paydalanıw boyınsha bilim hám ámeliy kónlikpelerdi rawajlandırıwǵa xızmet etpekte.
