Babadjanov Elmurod Satimbaevich
Kafedra haqqında
Universitettiń «Kiberqáwipsizlik injiniringi» kafedrası 2019-jıldan beri xızmet etip kelmekte. Házirgi waqıtta kafedrada 10 professor-oqıtıwshı bar: texnika ilimleriniń doktorı E. S. Babadjanov (kafedra baslıǵı), 3 úlken oqıtıwshı – M. J. Pirnazarova, G. A. Saparova hám A. M. Risnazarov, sonday-aq 6 assistent oqıtıwshı.
Ózbekstan Respublikası Prezidentiniń 2018-jıl 19-fevraldaǵı PF-5349-sanlı Pármanı, 2018-jıl 19-fevraldaǵı PQ-3549-sanlı qararı hám Ózbekstan Respublikası Ministrler Kabinetiniń 2018-jıl 24-iyuldaǵı 569-sanlı qararı tiykarında Nókis mámleketlik texnika universitetinde kredit sisteması tiykarında oqıtıw engizilgen. Kafedra 60610200 – «Informaciya qáwipsizligi», 60610300 – «Kiberqáwipsizlik injiniringi» hám 70610202 – «Informaciya qáwipsizligi» (magistratura) baǵdarları boyınsha joqarı maman kadrlar tayarlaydı. Kafedra jámáátı Rossiya Federaciyası, Belarus Respublikası, Qıtay Xalıq Respublikası, Qazaqstan Respublikası hám basqa da qánigelestirilgen ilimiy-izertlew institutları menen turaqlı birge islesiw baylanısların ornatıp kelmekte.
