Búgin Nókis mámleketlik texnika universiteti rektorı Batırbek Kaipbergenov Qazaqstan Respublikasınıń Mediana Services Limited IT-kompaniyası wákilleri menen ushırasıw ótkerdi. Ushırasıwda kompaniya atqarıwshı direktorı Elena Kuleshova, texnikalıq direktorı Quanısh Osmanov hám IT qánigesi Abılay Orazımbetov qatnastı.
Sóylesiw dawamında Qazaqstannıń Mediana Services Limited kompaniyasınıń filialın Nókis mámleketlik texnika universitetinde ashıw imkaniyatları kórip shıǵıldı. Atap aytqanda, filialdıń jumısın jolǵa qoyıw ushın zárúr sharayatlar, maman kadrlar menen támiyinlew imkaniyatları hám tiyisli jeńilliklerdi úyreniw máseleleri dodalandı.
Ushırasıwda, sonday-aq, filialdı shólkemlestiriwge baylanıslı shólkemlestiriw máseleleri hám bar imkaniyatlar boyınsha pikir almasıldı. Bul sapar kompaniyanıń filialın ashıw imkaniyatların bahalaw hám keleshektegi birge islesiw baǵdarların belgilewge qaratıldı.
